پنجاب دا رہن-سہن
(2A) سورج دوارا پربھاوت رہن-سہن
؛ ؛ دھرتی دے سور-منڈل دا کیندری دھرا سورج ساڈے پون-پانی، دریاواں، دھرتی دی اپجاؤ شکتی، بنسپتی آدی نوں اس طرحاں نردھارت کردا ہے کہ اسیں سورج دے نظام انوسار سویرے اٹھن دے سمیں توں لے کے، بھتا ویلا، شاہ ویلا، فصلاں بیجن اتے وڈھن دا سماں نسچت کردے ہاں۔ سورج ساڈے کھان-پین --گرمیاں وچّ کدو، ٹنڈے، کریلے، بھنڈی-توری، حلوہ، خربوزے، تربوز، امب، جامنوں دیاں فصلاں اتے پھل پکاؤندا ہے۔ اتھوں تک کہ سورج دی گرمی انوسار ساڈا پہراوا گرمیاں وچّ پتلے ململ دے کپڑے، پرنے اتے سردیاں وچّ کھدر دے کپڑے اتے کھیسی، لوئی دی بکل ساڈیاں لوڑاں بندے ہن۔ گرمیاں دے دناں وچّ چھبیلاں لاؤنیاں، ککوں دا شربت، ستو کھانے، کھیرا، طرحاں کھانیاں سورج دی اتی دی گرمی توں بچن لئی خوراک دے انش ہن۔ جدوں تپدی لوء فصلاں نوں پھلوس بنا رہی ہووے تد مینہہ لئی چولاں دیاں دیگاں ابال کے یگّ کرنے سورج دی گرمی توں بچن لئی کوشش کردے رسم-رواج ہن۔ ایہی نہیں ساڈیاں رسماں، رواجاں، تیوہاراں، گھراں، گلیاں، کپاں، دھڑاں شہراں آدی دی بنتر نوں وی سورج پربھاوت کردا ہے۔ پنجاب سمیت دنیاں دے اوہ وشال علاقے جتھے سال دے تنّ سو پینہٹھ دناں وچوں زیادہ دن سورج چمکدا ہے، سورج دوارا پربھاوت رہن-سہن دے ورگ وچّ آؤندے ہن۔
پچھلے پنے تے جان لئی اتھے دباؤ
