پنجابی لوک-ساہت
گھوڑیاں
؛ ؛
ویاہ دے دناں وچّ منڈے دے گھر استریاں ولوں گائے جان والے لوک-گیت گھوڑیاں اکھواؤندے ہن۔ گھوڑی لوک-گیت وچّ منڈے دی ماں، بھین تے ہور نزدیکی رشتے دیاں استریاں ولوں منڈے دے خاندان دی وڈیائی تے ویاہ دے روپ وچّ اس خاندان دے جلو دا ورنن ہندا ہے۔ منڈے نال اس دے ماپیاں تے ساک-سمبندھیاں دے لمے موہ دا رشتہ تے لٹایا جاندا لاڈ-پیار دسیا ہندا ہے اتے اس دے بھوکھ بارے شبھ-کامناواں پرگٹ کیتیاں ہندیاں ہن۔
؛ ؛ گھوڑیاں وچّ ویاہے جان والے منڈے نوں جنم توں ہی بھاگاں والا دسیا جاندا ہے۔ اس دے جنم تے ساریاں ولوں کویں خوشیاں منائیاں گئیاں، کویں تحفے ونڈے گئے آدی دا ورنن گھڑیاں وچّ عامَ ملدا ہے۔ منڈے دے پریوار دی آرتھک خوش حالی اتے اچے سماجک رتبے دی وڈیائی وی کیتی جاندی ہے۔ گھوڑی چڑھن ویلے دی شان نوں بھن-بھنّ طریقیاں نال بیانیا ہندا ہے۔ منڈے دے وستر، اس دا سہرا، اتھوں تکّ کہ اس دی جتی دی مہما وی رجّ کے کیتی جاندی ہے۔ اس دے سہرے گھر نوں وی اچا دسیا جاندا ہے۔ جس کرکے منڈا اتے اس دے پریوار والے اچیرے جاپدے ہن۔ ویاہ کے لیاندی جان والی کڑی دی سندرتا تے اس دے گناں دی وی تعریف کیتی جاندی ہے۔ گھوڑیاں وچّ ہور نکے-نکے ویروے اداہرن وجوں گھوڑی چڑھن ویلے دیاں رسماں اتے گھوڑی دے شنگار آدی دے ویروے ہندے ہن۔ سہاگ وانگ گھوڑیاں وچّ وی ساریاں رشتے داریاں دے پرسنگ وچّ گھوڑی چڑھن دی رسم دا ورنن ہندا ہے۔
؛ ؛ گھوڑیاں نوں وی استریاں رل کے گاؤندیاں ہن اتے گائے جان دی لوڑ مطابق ایہناں وچوں شبداں اتے واکنشاں وچّ وادھے گھاٹے ہندے رہندے ہن۔ باقی لوک-گیتاں وانگ گھوڑیاں وی ہر خطے دی اپنی بولی وچّ ہندیاں ہن۔
؛ ؛ سہاگ وانگ گھوڑیاں وی بھاگ اتے بنتر پکھوں سرل ہن۔ دوہرا، پرکرتک چھوہاں، لے، روانی آدی گھوڑیاں دے ہور لچھن ہن۔
- ہریا نی مالن
- گھوڑی سونہدی کاٹھیاں دے نال
- چگ لیائیو
- نکی-نکی بوندی
- سونے دی گھوڑی تے ریشم ڈوراں
پچھلے پنے تے جان لئی اتھے دباؤ
